Muallif: Маматов, Мамаджан Ахмаджанович; Маннобова, Гулзода Равшанбек кизи;

Annotatsiya: Yangi O‘zbekiston davri nafaqat iqtisodiy va siyosiy islohotlar, balki chuqur ma’naviy-axloqiy qadriyatlarning tiklanishi bilan ham ajralib turadi. Bu jarayonda o‘zbek milliy tafakkurining asoschilaridan biri, buyuk mutafakkir, davlat arbobi va shoir Yusuf Xos Xojibning merosi alohida ahamiyat kasb etadi. Uning “Qutadg‘u bilig” (“Baxt bilimi”) kabi asarlari o‘zbek xalqining ming yillik ma’naviy xazinasi bo‘lib, zamonaviy jamiyat qurishda tegishli qo‘llanma bo‘lib xizmat qilmoqda. Yusuf Xos Xojibning “Qutadg‘u bilig” asari o‘zbek madaniyati, falsafasi va ma’naviyatining noyob manbasidir. Bu she’riy asarda insoniy fazilatlar, adolatli boshqaruv, bilim va donishmandlikning ahamiyati chuqur ochib berilgan. Yangi O‘zbekiston davlatining ma’naviy poydevorini mustahkamlash jarayonida Yusuf Xos Xojib merosidan foydalanish milliy qadriyatlarni tiklash, yoshlarni ma’naviy tarbiyalash, jamiyatda ma’naviy-axloqiy g‘oyalarni yuksaltirishda muhim imkoniyatdir. “Qutadg‘u bilig”da bayon etilgan hikmatlar zamonaviy hayotda ham dolzarb bo‘lib, insonparvarlik, halollik, adolat va bilimga intilish kabi umuminsoniy qadriyatlarni o‘zida mujassam etgan. Maqolada milliy-ma’naviy qadriyatlarni tiklash, madaniy merosni rivojlantirish va undan zamonaviy taraqqiyot yo‘lida samarali foydalanishning ilmiy-nazariy asoslari ishlab chiqilgan.

Kalit so'zlar: Yusuf Xos Xojib, “Qutadg’u bilig”, ma’naviy poydevor, turkiy ma’naviyat, milliy qadriyatlar, ma’naviy tarbiya, Yangi O’zbekiston, adolatli jamiyat, umuminsoniy qadriyatlar, donishmandlik va bilim, axloqiy ideallar.

Jurnaldagi sahifalar: 194 - 198