Muallif: Maxmudov, Temirxon Toxirjon o‘g‘li

Annotatsiya: So‘nggi o‘n yilliklarda Birinchi jahon urushi tarixshunosligi sezilarli darajada o‘zgarib, an’anaviy yevrosentrik yondashuv o‘rnini global va imperiyaviy qarashlar egallay boshladi. Ushbu yangi yondashuv doirasida Britaniya Hind armiyasi tarkibida xizmat qilgan hind askarlarining tajribasi alohida ilmiy e’tibor markaziga aylangan. Mazkur maqola Birinchi jahon urushi davrida hind askarlariga ko‘rsatilgan tibbiy xizmatni Fransiya (G‘arbiy front) va Mesopotamiya (Yaqin Sharq) frontlari misolida qiyosiy tahlil qiladi. Maqolada ushbu tafovutlar faqat tabiiy sharoitlar yoki logistika muammolari bilan emas, balki Britaniya imperiyasining siyosiy ustuvorliklari bilan bog‘liqligi asoslab beriladi. Fransiya frontida hind askarlariga yuqori darajadagi tibbiy xizmat ko‘rsatilishi imperiyaning nufuzini saqlash va propagandaviy maqsadlar bilan izohlanadi. Aksincha, Mesopotamiya fronti ikkinchi darajali hudud sifatida qaralib, yetarli darajada rejalashtirilmagan va tibbiy jihatdan ta’minlanmagan. Bu esa Bag‘dodga yurish va Kut qamalida tibbiy tizimning to‘liq inqiroziga olib kelgan. Shunday qilib, maqola tibbiy xizmatni faqat harbiy zarurat emas, balki imperiyaviy siyosatning muhim vositasi sifatida talqin qiladi. Ushbu tadqiqot global tarix doirasida kolonial askarlar tajribasini yoritib, imperiya ichidagi tizimli tengsizliklarni ochib beradi.

Kalit so'zlar: Birinchi jahon urushi; Hind armiyasi; kolonial askarlar; harbiy tibbiyot; Mesopotamiya fronti; G‘arbiy front; Britaniya imperiyasi; sog‘liqni saqlash tizimi; urush va kasallik; harbiy logistika; global tarix.

Jurnaldagi sahifalar: 302 - 309